Free songs
Home / समाचार / प्रमुख समाचार / देवः विकास बैंकमा करिब १८ करोड हिनामिना:नक्कली खाता खोल्ने म्यानेजर पक्राउ

देवः विकास बैंकमा करिब १८ करोड हिनामिना:नक्कली खाता खोल्ने म्यानेजर पक्राउ

 गिरिराज नेपाली

घोराही,  पद बैंक म्यानेजर। हिनामिना भएको रकम १७ करोड ९९ लाख ९० हजार। करिब सात महिनामा म्यानेजरले नक्कली खाता खोलेर उक्त रकम विभिन्न मितिमा बैंकका विभिन्न शाखामा बचत गर्ने र निकाल्ने काम गरे। साविकको वेष्टर्न डेभलपमेण्ट बैंक शाखा कार्यालय नारायणपुुरको करोडांै रकम हिनामिना  गरिएको घटना हालको देवः विकास बैंकको प्रधान कार्यालयले पत्ता पाएपछि शाखा कार्यालय नारायणपुुरका म्यानेजर घोराही–१५ का ३० वर्षीय समिर बुढाथोकी प्रहरी हिरासतमा छन्।

नक्कली खाता खोल्ने, बैंकमा ग्राहकले जम्मा गरेको रकम तिनै नक्कली खातामा राखेर फेरि आफै निकाल्ने गरेको प्रमाण केन्द्रीय कार्यालयले जुटाएर सिआइवीलाई उपलब्ध गराएपछि छानबीनका लागि बुढाथोकीलाई दाङ प्रहरीले मंगलवार लमही बजारमा लुकिछिपी बसेको अवस्थामा पक्राउ गरेको छ।

२०६७ सालदेखि साविककोे वेष्टर्न डेभलपमेण्ट बैंकमा जोडिएका बुढाथोकीले करिब डेढ वर्षदेखि म्यानेजरको जिम्मेवारी सम्हाल्दै आइरहेका थिए। म्यानेजरको जिम्मेवारी पाएको एक वर्षपछि नै रकम हिनामिना शुरू भएको बैंकको रेकर्डमा देखिने गरेको एक कर्मचारीको भनाइ छ। करिब १८ करोड हिनामिना गर्न शुुरुदेखि अन्त्यसम्म करिब सात महिना लागेको बताइन्छ। खाता खोल्नेदेखि रकम पठाउने रझिक्नेसम्मको काम यही समयभित्र भएको एक कर्मचारीले बताए। खाता सञ्चालनका लागि कम्प्यूटरका कर्मचारीबाहेक अरु कसैलाई पनि दुुईवटा कम्प्यूटरको पासवर्ड थाहा नहुुने भएकाले रकम हिनामिनामा अन्य कर्मचारीको पनि मिलोमतो भएको हुुनसक्ने आशंका गरिएको छ।

शाखा कार्यालयमा दुुईवटा मात्रै कम्प्यूटर थिए। खाता सञ्चालनमा तिनै कम्प्यूटर प्रयोग गरिएको छ। जसमा कर्मचारीको पनि मिलोमतो देखिन्छ। एक कर्मचारीले नाम नभन्ने शर्तमा भने– ‘सबै काम फेक छ, हामीलाई शंका लाग्यो, त्यो शंकाको कुरा हेड अफिसमा पुु¥यायौं। हेड अफिसले पनि अनुुसन्धान शुरु ग¥यो। हाम्रो शंका र केन्द्रीय कार्यालयको अनुुसन्धान मिल्यो। अपराध अनुुसन्धान विभागमा उजुुरी प¥यो। क्रमिकरुपमा अनुुसन्धान गर्दै जादा हिनामिनाका सबै प्रमाणहरु फेला परे।’

म्यानेजर बुुढाथोकीले नक्कली खाता खोलेर विभिन्न शाखाहरुमा पा“चदेखि १५ लाखसम्म रकम पठाउने गरेको पनि भेटिएको एक कर्मचारीको भनाइ छ। कार्यालय समय सकिए पनि म्यानेजर कम्प्यूटरमा बस्ने, सिष्टम छैन भन्नेलगायतका अनेकौं शंकास्पद व्यवहार देखाउने गरेको ती कर्मचारीले बताए।

करिब सात महिनामा नक्कली खाता खोली ती खातामा १७ करोड ९९ लाख ९० हजार रूपैया“ जम्मा गर्ने र निकाल्ने काम भएको भेटिएको छ। जसमा वेष्टर्न बैंककै विभिन्न शाखाहरु रहेका छन्।

पक्राउ परेका बुुढाथोकीलाई म्याद थपका लागि उच्च अदालत नेपालगञ्जको वाणिज्य इजलासमा पठाइएको जिल्ला प्रहरी कार्यालय दाङका प्रहरी प्रवक्ता प्रहरी नायव उपरीक्षक विनोदविक्रम शाहले जानकारी दिनुुभयो।

म्यानेजर बुढाथोकीले साविकको वेष्टर्न डेभलपमेण्ट बैंक हाल देवः विकास विकास बैंकमा ‘मर्ज’ भएसगै करोडौं रूपैया“ हिनामिना भएको घटना बाहिरिएको छ। प्रहरी प्रवक्ता शाहले भन्नुुभयो– ‘करोडौं हिनामिनाको घटना वेष्टर्न बैंक ‘मर्ज’ स“गै बाहिरिएको हो। जसको अनुुसन्धानका लागि राष्ट्र बैंकले अपराध अनुुसन्धान विभाग ‘सिआईबी’मा पठाएको थियो।’ सिआईबीले अनुुसन्धान थालनी गरेदेखि आरोपित म्यानेजर बुुढाथोकी फरार रहेको उहा“ले बताउनुुभयो। जिल्ला प्रहरीले म्यादपछि थप अनुुसन्धान तथा आरोपितको चल÷अचल सम्पत्ति छानबीन गरी सार्वजनिक गरिने बताउनुुभयो। उहा“ले बैंक म्यानेजरले बैंकको करोडांै रूपैया“ हिनामिना गरेको यो दाङको पहिलो ठूलो घटना भएकाले प्रहरीले सूक्ष्म अध्ययन अनुुसन्धान गरी आवश्यक कारवाही गर्ने बताउनुभयो। पक्राउ परेस“गै रकम हिनामिनाको अनुुसन्धान शुुरू भइसकेको छ ।

दाङमा करोडांै हिनामिनाको घटना बैंकिङ कसुुर सम्बन्धी यो ठूलो घटना हो। ‘बैंकिङ कसुर सम्बन्धीे लेनदेन, चेक बाउन्स, सहकारीको रकम हिनामिनालगायतका घटनाहरू भएका छन्। तर म्यानेजरले करोडौं कुम्ल्याउन खोजेको घटना यो पहिलो हो’– प्रवक्ता शाहले भन्नुुभयो। यसअघि २०६९ साल पुस ६ गते बैंक अफ काठमाडौंको तुलसीपुर शाखामा कर्मचारीकै मिलोमतोमा दुई करोड छ लाख ८१ हजार रुपैया“ लुटपाट भएको थियो। पक्राउ परेका म्यानेजरले रकम हिनामिना गरेको ठहर भए बैंकिङ कसुुर सम्बन्धी सजाय हुुनेछ। प्रहरीले रकम हिनामिनाको अनुुसन्धान शून्यदेखि शुरु गर्ने बताएको छ।

 

Loading...

About युगबोध

Leave a Reply

Your email address will not be published. Required fields are marked *

*

Scroll To Top