Free songs
Home / समाचार / संक्षिप्त समाचार / ज्ञानको समृद्धिकरणमा माक्र्सवाद र एशियाली दर्शन

ज्ञानको समृद्धिकरणमा माक्र्सवाद र एशियाली दर्शन

काठमाडौं, (युस)– पहिलोपटक आयोजना गरिएको माक्र्सवाद र एशियाली दर्शन अन्तर्राष्ट्रिय सम्मेलन दुईबु“दे काठमाडौं घोषणापत्र जारी गर्दै सम्पन्न भएको छ।

नेपाल संस्कृत विश्वविद्यालय, नेपाल खुला विश्वविद्यालय र माक्र्सीय गुरुकुलले संयुक्तरूपमा सोमवारदेखि काठमाडौंमा आयोजना गरेको सम्मेलनमा नेपाल, भारत, चीन, जर्मनी, बेलायतलगायत देशका तीन सय प्रतिनिधिको सहभागिता थियो। सम्मेलनले माक्र्सवाद र एशियाली दर्शनलाई दार्शनिकबीच खुला संवाद एवं बहस गराई विचार, ज्ञान र दर्शनको समृद्धिकरणमा निरन्तर जुटिरहने घोषणा गरेको छ। यसैगरी वर्षमा कम्तिमा एउटा बृहत् राष्ट्रिय तथा अन्तर्राष्ट्रिय सम्मेलन गर्ने प्रतिबद्धता पनि गरिएको आयोजक समितिका सदस्य सचिव डा प्रेमराज न्यौपानेले जानकारी दिनुभयो।

समापन समारोहलाई सम्बोधन गर्दै वरिष्ठ माक्र्सवादी चिन्तक मोहन वैद्यले नेपालका मौलिक दर्शनदेखि माक्र्सवादको विषयवस्तुबारे बहस शुरु हुनु सकारात्मक रहेको बताउनुभयो। संस्कृत भाषा ज्ञानको भण्डार भएकाले सबैलाई अनिवार्य पढ भन्न नसकिए पनि जान्न र बुझ्नका लागि पनि अध्ययन गर्नुपर्नेमा उहा“ले जोड दिनुभयो। नेपाल संस्कृत विश्वविद्यालय अनुसन्धान केन्द्रका निर्देशक डा काशीनाथ न्यौपाने, माक्र्सीय गुरुकुलका अध्यक्ष सोनाम साथीलगायतले एशियाली र माक्र्सवादी दर्शनका राम्रा विषयलाई छनोट गरी अध्ययन–अनुसन्धान गरिनुपर्नेमा जोड दिनुभयो।

 

Loading...

About युगबोध

Leave a Reply

Your email address will not be published. Required fields are marked *

*

Scroll To Top