Free songs
Home / समाचार / संक्षिप्त समाचार / पेश्की फिर्ता लिएपछि कारागार निर्माण अन्योलमा

पेश्की फिर्ता लिएपछि कारागार निर्माण अन्योलमा

बॉके,  (रासस)– विकास निर्माणका क्षेत्रमा सर्वाधिक आलोचित पप्पु–रसुवा कन्स्ट्रक्सनको अर्को लापरवाही बाहिर आएको छ। पप्पु कन्स्ट्रक्सनकै लापरवाहीका कारण बाकेको बैजनाथ गाउपालिका–३ नौवस्तामा निर्माणाधीन क्षेत्रीयस्तरको अत्याधुनिक कारागार निर्माण अलपत्र परेको छ। निर्माण अलपत्र पारेपछि निर्माण कम्पनीलाई दिइएको पेश्की रकम फिर्ता लिइएको छ।

तीन वर्षमा निर्माण सक्ने गरी ठेक्का सम्झौता भएकामा सम्झौता अवधि पूरा हुनलाग्दासमेत चार प्रतिशत मात्र निर्माण कार्य गरेर अलपत्र पारेपछि निर्माण कम्पनीबाट पेश्की रकम फिर्ता लिइएको शहरी विकास तथा भवन निर्माण विभाग संघीय आयोजना एकाई कार्यालय नेपालगञ्जले जनाएको छ। निर्माणाधीन कारागारको काम सन्तोषजनक नभएको र तोकिएको समयमै काम गर्न नसक्ने देखिएपछि निर्माण कम्पनीबाट पेश्की रकम फिर्ता लिइएको हो। हालसम्म चार प्रतिशत मात्रै काम भएपछि मोबिलाइजेशनवापतको रु. सात करोड छ लाख फिर्ता लिइएको आयोजना एकाई कार्यालय नेपालगञ्जका प्रमुख सुवास बस्नेतले जानकारी दिनुभयो। निर्माण कम्पनीको तीनवर्षे ठेक्का सम्झौताको अवधि आउ“दो कार्तिक ४ गते सकिदैछ।

तीन हजारजना अट्ने क्षमताको निर्माणाधीन कारागारको रु. ५३ करोड कूल बजेट रहेकामा पप्पु–रसुवा कन्स्ट्रक्सनले विसं २०७३ कार्तिक आठ गते ३८ करोड ६८ लाख ७९ हजार दुई ८१ मा ठेक्का सकार गरेको थियो। कारागारको २५ भवन संरचना बनाइने लक्ष रहे पनि अहिले पा“च संरचनामा अत्यन्तै सुस्तगतिमा काम भइरहेकाले पेश्की रकम फिर्ता लिनुपरेको कार्यालय प्रमुख बस्नेतले जानकारी दिनुभयो। पेश्की रकम फिर्ता लिएस“गै ठेक्का सम्झौता तोड्ने प्रक्रिया शुरु भएपछि क्षेत्रीय कारागारको निर्माण कार्य अन्योल बनेको छ। मानववस्ती बाक्लिदै गएपछि तथा कैदीबन्दीको अनुपातमा कारागारको भौतिक संरचना सा“घुरो भएपछि क्षेत्रीय कारागार निर्माण शुरु गरिएको थियो।
अहिलेको कारागार सुरक्षा र क्षमताका दृष्टिकोणले उपयुक्त नभएपछि बा“केको नौवस्तामा क्षेत्रीय कारागार र गनापुरमा खुला कारागार निर्माणको काम शुरु गरिएको थियो। दुबै कारागार निर्माण भएपछि नेपालगञ्जको मानववस्तीको बीचमा रहेको जिल्ला कारागारलाई विस्थापित गर्ने योजना थियो।

 

Loading...

About युगबोध

Leave a Reply

Your email address will not be published. Required fields are marked *

*

Scroll To Top